بە ڕاپۆرتی ئاژانسی هەواڵی مێهر، ڕافائێل گرۆسی، بەرپرسی گشتی ئاژانسی نێودەوڵەتی وزەی ئەتۆمی دوێنێ لە ڕاپۆرتێکدا کە لەلایەن ڕۆیتێرزەوە بڵاو کرایەوە، پاگەندەی کرد: پاشکەوتی ئۆرانیۆمی پیتێندراوی ئێران 19 ئەوەندە لە ئاستی دیاری کراو لە ڕێککەوتنی ناڤۆکی 2015 ، زیاتر بووەتەوە.
لە ڕاپۆرتەکەی بەرپرسی گشتی ئاژانسی نێودەوڵەتی وزەی ئەتۆمی بۆ وڵاتانی ئەندام، پاگەندە کراوە: پاشەکەوتی ئۆرانیۆمی پیتێندراوی ئێران تا 60 لەسەد، نزیک بە ئاستی چەکداری، زۆر زیاتر لە ئەو ڕیژەیەیە کە بۆ بۆمبێکی ئەتۆمی بەسە.
ئەو ڕاپۆرتە پاگەندە دەکات: ئۆرانیۆمی پیتێندراو تا 60 لەسەد و لە چوارچێوەی هێگزافلۆرایدی ئێران ، وادەخەمڵێندرێت کە لە دوایین ڕاپۆرتی ئاژانس کە لە 30 ی مەی ئەمساڵ بڵاو کرایەوە، 12 و نیو کیلۆگرام زیادی کردووە و گەیشتووەتە 55.6 کیلۆگرام.
هاوکات، ئاژانس وەکوو وەرزەکانی ڕابردوو، ڕاپۆرتێکی دووهەمیشی بڵاو کردەوە کە تێێدا پاگەندە کراوە: ئێرا هێشتا وەڵامێکی باوەڕپێکراوی سەبارەت بە سەرچاوەی زەڕاتی ئۆرانیۆمی دۆزراو لە 3 دامەزراوەی ڕانەگەیێندراو کە وادیارە زۆربەیان کۆنن و ئاژانس ساڵەهایە خەریکی تاوتوێ کردنیانە، پێشکەش نەکردووە.
هەروەها لە ڕاپۆرتەکەدا، گرۆسی لەسەر هاوکاری نەکردنی ئێران سەبارەت بە پرسە پادمانییەکان، لەگەڵ ئاژانس نیگەرانی دەربڕیوە.
Your Comment